डियर कमरेड माकुनेका नाममा
छविलालकाे दाउमा,
शे.ब.दे.काे पाउमा ।
माकुनेले काेपर्दै छन्
एमालेकाे घाउमा,
कठै, एमालेकाे घाउमा
हुर्मत अति लियाै
धाेका धेरै दियाै
आफ्नालाई उधारेर
पराइलाई सियाै
तिमीले पराइलाई सियाै ।
खाेक्नुसम्म खाेक्छन्,
काम गर्न राेक्छन्,
घरकाे खान्की हसुरेर
अर्का भारी बाेक्छन्,
बरै अर्का भारी बाेक्छन् ।
भन्छन् खनाएकाे,
बाटाे बनाएकाे ।
साेही बाटाे भत्काउन
किन रमाएकाे,
गाँठे किन रमाएकाे ?
पन्ध्रौं वर्ष पार्टी हाँक्याै,
सिपीलाई झाँक्याै ।
डाडु पन्यु समाउँदा
खास खास के -के नाप्याै,
भान्छे खास खास के-के नाप्याै ?
'नेकपा एमाले
न पाेथी न भाले' ।
तिम्रा दाेधारेपनले
जनता भन्न थाले,
सम्झ जनता भन्न थाले ।
कहिले राजा तिर,
कहिले कांग्रेस तिर ।
अवसरवादी तिमी बन्दा
पार्टी खाेज्थ्याे भिर,
बुझ्याै पार्टी खाेज्थ्याे भिर ।
केलाई मान्नु पिर,
पार्टी जाओस् भिर ।
प्रतिगमन आधा सँच्याे
प्रधानमन्त्री तिर
तिमी प्रधानमन्त्री तिर ।
खानु लाेप्पा खायाै
आखिर के पाे पायाै,
पार्टीलाई बिगारेर
दरबारतिर धायाै,
मूर्ख दरबार तिर धायाै ।
खुब गरें भन्छाै,
कार्यकर्ता गन्छाै ।
मदन र मनमाेहन
कहिले सम्झन्छाै,
तिमी कहिल्यै सम्झन्छाै ?
पछि लाग्ने लाग,
पाेइल भाग्ने भाग ।
कसलाई के- के चाहिने हाे
माकुनेलाई माग,
लै लै माकुनेलाई माग ।
बस बाँधिएर,
अझ साँधिएर ।
फेरि समाऊ डाडु पन्यु
यतै झाँगिएर,
लाटा यतै झाँगिएर ।
दल नफुटाऊ,
देश नलुटाऊ ।
एमालेमै हित तिम्राे
अवसर नछुटाऊ,
माकुने अवसर नछुटाऊ।
पार्टी फाेड्याै भने,
बाटाे माेड्याै भने ।
दया गर्ने काेही हुन्न
एमाले छाेड्याै भने,
मान एमाले छाेड्याै भने ।
पुर्पुराे छुनुपर्छ,
धरधर रुनुपर्छ ।
नयाँ घर बनाउन
हिम्मत हुनुपर्छ,
हेर हिम्मत हुनुपर्छ।
नराेऊ धरधर,
जालझेल नगर ।
तिम्राे फेरि पालाे आउँछ
बस आफ्नै घर,
साेच बस आफ्नै घर ।
- सुनील पाैडेल
