गाइजात्रे मुक्तक :
बाँच्न दिनुपर्छ , नाच्न दिनुपर्छ :
जुट्छाैं भन्नेलाई जुट्न दिनुपर्छ ।
फुट्छाैं भन्नेलाई फुट्न दिनुपर्छ ।
अमिल्दा चाेइटालाई फेभिकाेलकाे के काम ?
नचाेइटिई छाेड्दिन भन्नेलाई टुट्न दिनुपर्छ ।
उतै सर्छु भन्नेलाई सर्न दिनुपर्छ ।
पारी तर्छु भन्नेलाई तर्न दिनुपर्छ ।
भेलमा खसेर उत्रन नसकाेस् त के भाे ?
डुबेरै मर्छु भन्नेलाई मर्न दिनुपर्छ ।
वैचारिक स्वतन्त्रता छ, साेच्न दिनुपर्छ ।
अवसरहरु खाेज्नेलाई खाेज्न दिनुपर्छ ।
दाम्ला चुँडाल्नेलाई बाधेर राख्नुकाे के अर्थ ?
त्यही नै राेज्छु भन्नेलाई राेज्न दिनुपर्छ ।
यतै जिउँछु भन्नेलाई जिउन दिनुपर्छ।
फाटे सिउँछु भन्नेलाई सिउन दिनुपर्छ ।
भिरबाट हामफाले काँध थाप्नु पाे कसरी हाे ?
विष पिउँछु भन्नेलाई पिउन दिनुपर्छ ।
भाेलि के हुने हाे समयले बताउला ।
गल्ती ठहरिए पश्चातापले सताउला ।
के के नै नाप्छाैं भन्नेलाई नाप्न दिँदा के हुन्छ ?
दुध हाे कि पानी भनेर जनमत जताउला ।
अहम् साँच्न खाेज्नेलाई साँच्न दिनुपर्छ ।
भ्रम बाेकी बाँच्छन् भने बाँच्न दिनुपर्छ ।
बलजफ्ती आफुतिर तानेर के नै पाे हुन्छ र ?
फुटमा रमाएर नाच्नेलाई नाच्न दिनुपर्छ ।
( गाईजात्रा देखाउनेहरुलाई गाईजात्राकै दिन एउटा व्यङ्ग्यात्मक झड्का त दिऊँ न भनेर नि 😂🤣🤣🤣🤣😁😁😀😁😂🤣😅)
