फाेस्राे समाजवाद !

 हजुरबा माकुनेलाई बहुत जान्थे।

बुबाले  मनकुनेलाई खुब  मान्थे।।
माकुनेका बाली घरमा सबले खान्थे ।।।
सबले माकुनेलाई ठूला नेता ठान्थे।।।।


तर यथार्थ बल्ल बुझ्न थालियाे कि,

माकुने त जालझेलका पाेका रहेछन्।
अख्तियारीवाला पदका भाेका रहेछन् ।।
कुण्ठाका कहिल्यै नफुक्ने पाेका रहेछन् ।।।
कहिल्यै तहमा नबस्ने फुकुवा बाेका रहेछन् ।।।।

अहिले यसाे हेरेकाे कि,

घरका कालुहरु चुक्दा रहेछन्।
गाउँका जालुहरु लुक्दा  रहेछन् ।।
समाजका चालुहरु भुक्दा रहेछन् ।।।
देशका बडा बडा ठालुहरु सुक्दा रहेछन्।।।।


खासमा भएकाे के हाे भने,

विपक्षीले राेमान्स साेचे ।
लाेभीहरुले चान्स खाेजे ।।
भाेगीहरुले डान्स राेजे ।।।

अब हुने चाहिँ के हाे भने,

धक्कु लगाउन पर्दैन ।
आस्थाले डुलेर चर्दैन ।।
कुण्ठाले रहर भर्दैन ।।।

दृढ विश्वास गल्दैन ।
विश्वासकाे धराेहर ढल्दैन ।।
आस्थाकाे कुन्यु बल्दैन ।।।
कुण्ठाकाे दलबल चल्दैन।।।।

त्यसैले म सबैलाई भन्छु कि;

माकुनेले चाहेर,
चारकुने किताब पाएर,
तिनकुने 'अफिस' धाएर,
दुईकुने मुख लाएर,
एककुने कुण्ठा गाएर,

पाेखिए खाजा खाईँदैन ।
जानेलाई माया लाईँदैन ।।
राेएर जनमत पाईँदैन ।।।

यसै त दल चाहिने भन्दा बढी छन् भने;

नलगाऊँ कुण्ठासँग मीत ।
एसले गर्दैन देशकाे हित।।
गाईँदैन फाेस्राे समाजवादी गीत ।।।

किन याे निर्णय गरियाे भने,

निकम्मा संसद विघटन 'केस' ।
बदला ब्युँताउने अभिष्ट 'रेस'काे।।
स्वार्थकाे गठजाेड विपक्ष देश।।।
बन्याे नयाँ दल नाम जुराए 'एस'काे।।।।

बनाउन देश, दाैडे पाे 'रेस',
जितिन्थ्याे 'केस', जाेगिन्थ्याे 'फेस'।
जनताबिच पेश, नेकपा एस ।।

माकुनेले साँचे कुण्ठाकाे पाेकाे।
पछि लाग्नेहरु बलीकाे बाेकाे ।।
समय छँदै विचार गराैं।।।
नीति न थितिकाे भर पर्दै नपराैं ।।।। 

सर्वदेवतामय: पिता ( पिता सर्वदेवतातूल्य छन् )

 सर्वदेवतामय: पिता ( पिता  सर्वदेवतातूल्य छन् )

विद्यादाता, जन्मदाता, कन्यादाता तथैव च

अन्नदाता, भयत्राता पञ्चैते पितर स्मृता : ।

अत : सर्वगुणसम्पन्न पिता: ।

{विद्या दिने (गुरु), जन्मदिने (मातापिता), कन्या दिने (कर्मदाता पितामाता/ सासूससुरा), अन्नदिने ( अन्नदाता  वा पालनपाेषण गर्ने ( पालनकर्ता) र भयबाट रक्षा गर्ने अर्थात् डर-त्रासबाट मुक्त राख्ने पाँच व्यक्ति नै पञ्चपिता हुन् ।} पञ्चपिताका यी सम्पूर्ण गुण पितामा हुन्छ । त्यसैले पिता सर्वगुणसम्पन्न हुन्छन् ।

पिता धर्म: पिता स्वर्ग: पिता हि परमं तप: ।

पितरि प्रीतिमापन्ने प्रीयन्ते सर्वदेवता: ।।

पितराै यस्य तृप्यन्ति सेवया च गुणेन च ।

तस्य भागीरथीस्नान महन्यहनि वर्तते ।।

( पिता धर्म हुन्, पिता स्वर्ग हुन् र पिता नै सबैभन्दा ठूलाे तपस्या हुन् । पिता प्रसन्न भएमा सम्पूर्ण देवताहरु खुसी हुन्छन् । पितालाई आफ्नाे सद्गुण र सेवाले सधैं सन्तुष्ट राख्न सक्ने सन्तानलाई हरेकदिन गंगास्नान गरेकाे पुण्य मिल्छ । ) 

बैकुण्ठधामवासी हजुरबुबालाई श्रद्धाञ्जली र सम्झना । पिता  र  पितातुल्य काकाबाहरुलाई ढाेग प्रणाम र शुभकामना ।

   पिता या बाहरुकाे 'चेन'मा आफूलाई बा (बाबा) भन्ने हाम्राे परिवारकाे पछिल्लाे पुस्ता भने कुशेओेैंशीकाे महत्त्व बुझ्नसक्ने भइसकेकाे छैन । उसलाई पनि शुभकामना । 

     यसका साथै सबैलाई पितृश्रद्धाकाे पावन दिन कुशेओैंशीकाे उपलक्ष्यमा हार्दिक मंगलमय शुभकामना । 

                          - सुनील पाैडेल

संसद विघटन र एमसीसी खुलेयाम कि लुकिछिपी ?

 संसद विघटन र एमसीसी

खुलेयाम कि लुकिछिपी ? 

    

     हुन त याे काेणबाट आफ्नाे कदमकाे बचाउ र  प्रष्ट्याईँ गर्न स्वयं केपी ओली नै पनि चाहिरहेका र सकिरहेका छैनन् । संसद विघटनकाे ओेेेेैचित्य पुष्टि गर्न ओली सफल भइनरहेका भएपनि मलाई चाहिँ के लाग्छ भने ;           

    राष्ट्रियताका मुद्दामा नेपाल सरकार जुनबेला पनि एकरुप छ भन्ने सन्देश विश्वव्यापी हुनु नेपालका लागि दुरगामी रुपमा हितकर हाे, कि हाेइन ?               

    यही आसयमा पूर्ववर्ति सरकारकाे कार्यकालमै भएकाे भएपनि राष्ट्रिय  महत्वका अन्तर्राष्ट्रिय सम्झाैताहरु लागू गराउँदा अन्तर्राष्ट्रिय जगतमा नेपाल र नपाली राष्ट्रियताकाे एकरुपताकाे  परिचय विश्वसामु स्थापित हुन्छ भन्ने केपी ओलीले ठानेका थिए ।

       त्यसैले संसदबाटै एमसीसी पास गराउनुपर्ने दबाबमा ओली सरकार पनि थियाे । तदनुरुप ओलीले वातावरण बनाउन खाेजेका पनि हुन् । 

       तर एमसीसीका कारण दुरगामी रुपमा नेपालकाे अहित हुने केही बुँदा सम्झाैतामा उल्लेख भएकाे पाइएकाले जनस्तरबाट व्यापक विराेध भएपछि ओलीले एमसीसीलाई संसदबाट पारित गराउन चाहेनन् । राष्ट्रियता र जनभावनाकै जगमा एमाले अध्यक्ष र प्रधानमन्त्री बनेका ओली दलीय नेताका विचार भन्दा पनि  जनभावना बुझेर निर्णय लिने स्वभाव र विचारमा प्रतिबद्ध थिए । 

      ओलीद्वारा दुई- दूई पटक प्रतिनिधि सभा बिघटन गरिनुकाे एउटा कारण एमसीसी सम्झाैतालाई संसदबाटै अनुमाेदित गराउनुपर्ने अमेरिकाकाे बाध्यात्मक शर्त पनि एक थियाे । किनकि आन्तरिक राजनीति 'स्मुथ रन' मा रहेका बेला एमसीसी अनुमाेदन गराउन ओलीमाथि अमेरिकाकाे पनि व्यापक दवाव थियाे । अनुमाेदनकाे प्रयास समेत नगर्दा ओलीमाथि अमरिकी घेराबन्दी सुरु हुने निश्चित नै थियाे ।

      यसैबीच अमेरिकाकाे सट्टा देशकाे आन्तरिक राजनीतिले नै ओली सरकारमाथि घराबन्दी सुरु गरिहाल्याे । ओलीमाथि अविश्वासको प्रस्ताव पेश हुने लगभग निश्चित  नै थियाे ।  त्यसैलाई कारण देखाएर ओलीले प्रतिनिधि सभा बिघटन गरिदिए । 

      दुई पटक प्रतिनिधि सभा विघटन गराएकाेमा ओली कदमकाे व्यापक विराेध गर्दै ओलीलाई गाली गर्ने ( र ओलीकाे उक्त कदमलाई असंवैधानिक  ठहर्‍याउँदै पुनःस्थापनाकाे आदेश र परमादेश जारी गरेका) हरुले एकपटक पनि ओली कदमकाे दुरगामी सकारात्मक परिणामबारे  साेचे ?

      हाे ,  म त्यही भएर भन्छु कि कारण, कथन तथा करणबारे वस्तुनिष्ठ विश्लेषण र परिणामकाे यथार्थपरक पुर्वानुमान नगरी गरिएकाे कुनै पनि फैसला कालान्तरमा सही सावित हुने छैन । 

    यसबारे कसैलाई केही भन्नु छ ? यदि छ भने रातभरि साेचेर भाेलि दिनभरमा भन्दा पनि हुन्छ । अहिलेलाई शुभरात्री । हवस् त ।  अभिवादन । नेपाल र नेपालीकाे जय हाेस् ।                                      

                            - सुनील पाैडेल