व्यङ्ग्य मुक्तक : छ्या निर्लज्ज ठगबन्धन !
गठबन्धनकाे गाँठाे फुस्किएपछि
त्याे 'ठगबन्धन'मा परिणत भएछ
त्यसैले त देश ठग्न , जनता ठग्न
ठगबन्धन मरिमेटेर लागि परिरहेछ ।
अरुलाई संविधान मिचिस् भन्थ्याे
ठगबन्धन आफैं पाे धेर कुल्चिन थाल्याे
एमाले फुटाउन विभाजन अध्यादेश ल्यायाे
भागबन्डामा मन्त्रालय संख्या झण्डै तेब्बर बनायाे ।
बाहिर बाहिर एक्सन देखाएर चर्चा बटुल्छन्
भित्र भित्रै सेटिङ मिलाएर अर्वाैं छ्याकन हसुर्छन्
ठगबन्धनका मन्त्रीहरु यतिसम्म अपराधी कि
मान्छे मार्छु र नरसंहार गर्छु भन्नेसम्मका मसुर छन् ।
सेटिङ सहित छ दलीय पाे छ याे ठगबन्धन
विदेशी दादागिरी र हस्तक्षेप विरुद्ध फिटिक्क बाेल्दैन
चाहे आफ्नाे सिमा मिचियाेस् वा नागरिक मारियाेस्
ठगबन्धनले बरु भित्री कट्टु खाेल्न सक्छ तर मुख खाेल्दैन ।
ठगबन्धन संविधान मान्दै मान्दैन र त चुनाव सार्छु भन्छ
प्रजातन्त्र क्या हाे याे जान्दैन जसरी पनि एमाले हार्ने पार्छु भन्छ
एकका विरुद्ध सबै दल मिल्दा पनि नसकिने अवस्था आए
सत्तामा रजाइँ गरिरहन निर्वाचन मिति त महिना र वर्षाैं सार्छु भन्छ ।
छ्या ठगबन्धन ! याे त भयाे अति साह्रै निर्लज्ज
असक्षमता र निकम्मापनले भै गयाे याे त पुरै निर्वस्त्र
कसरी आशा मान्नु हामी निरिह नेपाली जनले यसकाे
देश जनता मारेरै पनि याे ठगबन्धन खाेज्दैछ सत्तालिप्साकाे अस्त्र ।
No comments:
Post a Comment