लाल क्रान्तिकारी दलाल बनेछन्
सेल्टर लिएका गरीबका झुप्रा, छाप्रा घरलाई
अहिले तिमी गाेठ भन्न अफ्ट्यारो मान्दैनाै
आफू बाँच्न ढाल बनाएर अघि सारेका मनुवाहरु
अहिले तिमीलाई पशुजस्ता पाे लाग्न थालेछन्
अहाे ! कमरेड तिमी त अति धेरै बदलिएछाै
तिमीलाई सत्तामा पुर्याउन मरेकाहरुलाई
पहिले तिमीहरु अमर सहिद भयाै भन्थ्याै
अहिले त तिमी तिनीहरुलाई के पाे गन्थ्याै
भड्किएका हजाराैं मृतकका आत्माहरु
मुक्तिकाे खाेजीमा अझै छट्पटाएर बसेका छन्
तर तिमीलाई ती अात्माहरुकाे रत्तिभर पीर छैन
पहिले बुलन्द लाग्ने जनताका अावाजहरु
अहिले तिमीलाई कर्कश ध्वनि लाग्न थालेछ
तिम्राे मन यति सम्म निष्ठुरी रहेछ नि कमरेड
प्राय: सारा नेपाली जनले तिमीलाई साथ दिए
तिमीलाई मर्नबाट बचाउन अामाहरुले गाथ दिए
तिमीले बाँडेका झुटा सपनालाई सच्चा ठानी
पूरा हाेलान् भन्ने अभिलाषा बाेकेकाले साथ दिए
साेझा सिधा जन मनहरुले तिमीलाई नाथ ठाने
तिमीलाई ती काेटी काेटी जनले फूलले पूजा गरे
तर तिमीले सारा नेपालप्रति विश्वास घात गर्याै
वीर भनेर उचाली नेपालीलाई छातीमा लात भर्याै
तिमीले देश र देशबासीलाई यति घात गर्याै नि
बलि वेदीमा साेझा सिधा जनतालाई हाेम्याै
अाफू शक्तिशाली बन्याै र उही शक्तिका अाडमा
तिमीले अाफू , छाेराछाेरी र इष्टमित्र मात्रै छान्याै
पद, सुविधा लियाै, दिलायाै र हेर्दाहेर्दै बदलियाै
हामीले देख्दा देख्दै तिमी सर्वहाराबाट उक्लियाै
बन्याै सर्वशक्तिमान अनि बन्याै सर्वसत्तावादी
ललाइफकाइ , भुलाइथर्काइ , रहर या बाध्यताले
जन साथ लियाै, जनतालाई दिनुसम्म दुख दियाै
मार्याै, मरायाै, अङ्गभङ्ग घाइते र बेपत्ता बनायाै
सहाराविहिन अपाङ्ग , टुहुरा , विधवा कति कति
जनतालाई भर्याङ बनाइ शासनसत्तामा उक्लियाै
र बिर्सियाै सारा जनतालाई अनि सम्झियाै केबल
अाफू, अाफ्ना छाेराछाेरी, अाफन्त इष्टमित्र मात्रै
जनता त तिम्रा काेही न काेही युज एण्ड थ्राे बने
दलित तिम्रा काे पाे हुन् र डिस्पाेजेबल जाे परे
जनजाति तिम्रा लागि लडे, मरे, वेस्टपेपर ठहरिए
गरीब र गरीबी तिम्रा निम्ति घृणित घृणा कहलिए
किनकि तिमी सर्वहारा थियाै , संभ्रान्त पाे बन्याै
लाल क्रान्तिकारी थियाै , दलाल पुँजीवादी बन्याै
कुट्याै जनता ,लुट्याै अरुकाे , जुटायाै अाफूलाई
अर्वाै अर्व लुकायाै सम्पत्ति सन्तान दरसन्तानलाई
भाेका भाेकै रहे, नाङ्गा नाङ्गै रहे, धन हुनेले गुमाए
तिमी बरु दिन दुगुना रात चाैगुना भने झैं माैलायाै
पहिले गरीबसँग अाश्रय लिएर सिस्नु खाेले खायाै
अब त धनाड्य तिम्रा साथी तिमी अाफैं धनाड्य
माफियाका घरमा मार्सी चामलका भात खान्छाै
अालिसान महलमा बस्छाै, चिल्ला गाडी चड्छाै
कराेडाैंकाे खाटमा नसुति तिमीलाई निद्रा लाग्दैन
लाखाैं मुल्यका बाेतल नलडाइ तिमी रम्न छाेड्याै
धन्य तिमी कमरेड गरीबका रगत पसिना बेचेर
तिमी त निक्कै धनी बन्याै शक्तिशाली बन्याै
अब तिमीले देश भन्न छाेड्याै जनता गन्न छाेड्याै
सत्तामा रहिरहन नपाए अात्तिन्छाै , बहुलाउँछाै
चिच्याउँछाै, रन्कन्छाै, फन्कन्छाै, हार गुहार गर्छाै
पहिले अाफैं विदेशी दलालले देश डुबाए भन्थ्याै
अहिले अाफैं ती दलालसँग अनुनय विनय गर्छाै
सत्ता खाेसिदेऊ र त्याे मलाई सुम्पिदेऊ भन्छाै
पहिले अरुलाई कठपुतली भन्थ्याै अहिले अाफैं
विदेशीकाे इशारामा नाच्छाै अनि कम्मर भाँच्छाै
हाे, कमरेड त्याे लाल क्रान्तिकारी दलाल नै बन्याे
- सुनील पाैडेल
No comments:
Post a Comment