- केपी ओलीकाे अहंकार, अहम्, लहड, सनक, मनाेमानी , स्वेच्छाचारीता, दादागिरी, शक्ति प्रदर्शन जे-जे देखियाे ,देखियाेस् ;
- संवैधानिक 'कु' काे गलत नजिर स्थापित भयाे भने भयाे भयाे;
- राज्यलाई असमयमा निर्वाचनको व्ययभार पर्न गयाे, जाओस् ;
- नेपालमा राजनीतिक अस्थिरता झन् बढ्ने जाेखिम बढ्ता भयाे, हाेस् ;
तर, यति हुँदा हुँदै पनि आफुलाई काे काे न हुँ भन्ठान्ने ताेर्पे टाउके नेताहरुकाे चुरीफुरी अनुसारकाे हैसियत जनताले छर्लङ्ग देखाइदिन पाउने भए , अत्यधिक खुसीकाे कुराे यही छ मलाई ।
कम्तिमा नेतृत्वको असक्षमता, अहमता र बदमासी अनि बेकाइदाकाे खिचातानी र बेढङ्गकाे बद्ख्वाइयुक्त जनमतकाे अवहेलना विरुद्ध नयाँ जनमत र ताजा जनादेश त प्राप्त हुने भाे ।
आशानुरुप काम नगरेपछि सरकार त अलाेकप्रिय हुने नै भयाे, छँदै छ । प्रमुख प्रतिपक्षी दलले भन्दा बढ्ता सरकार विरुद्ध हात धाेएर लागि पर्ने प्रतिपक्षी भुमिकाका नेकपाका अन्य नेतालाई चाहिँ जनताका मनमा आफुप्रति अलाेकप्रियताकाे हद नाघिसकेको थाहा छैन ? खाली सरकार र दलकाे नेतृत्वका लागि मरिमेट्या छ, आफ्नै सरकारलाई खुइल्याकाे छ, एक्ल्याकाे छ, खुट्टा तानेकाे छ, दाउपेच गरेकाे छ, गरेकाे छ ।
निर्वाचन र महाधिवेशनसम्म कुर्न सक्ने धैर्यता नभएका अधीरहरुलाई सजिलाे गरि सर्वाेच्च नेतृत्व चाहिने ? इइइइइस्स्स्स्स् !
अहिले जङ्गली बाघ झैं गर्जन्छाै, गर्जिँदै गर, निर्वाचन पछि म्याउँ गर्दै पुच्छर टाङ्मुनि हालेर कुना पस्नु परेपछि अनि चेताैला । तेरिमा टाउके हाे ।
एकता, एकता भनेर नेकपाका पक्षमा मरिमेट्ने, आवारणमा एकतावादी तर वास्तवमा अवसरवादी नेता कार्यकर्तालाई चेत खुलाेस् कि काेदाे र ताेरी मिसिएपछि न तेल निस्कन्छ न त पिठाे ।
आखिर नेकपा एकता 'ए! कता?' हुने त निश्चित थियाे, हुने नै छ ।
डेढ वर्षपछि हुने चुनाव खर्च अहिले हुने भाे, घाटा पर्ने ब्याज नै न हाे ।
- सुनील पाैडेल
No comments:
Post a Comment